Sham-e-firaq aab na pooch, aai aur aa ke Tul gai

Sham-e-firaq aab na pooch, aai aur aa ke Tul gai

dil tha ke phir bhehal gaya, jaaN thee ke phir sanbhal gai
 

bazm-e-Khayal maiN tere husn ki shama jal gai
dard ka chaand bujh gaya, hijr ki raat Dhal gai
 

jab tujhey yaad kar liya subha mehak mehak uThee
jab tera ghum jaga liya raat machal machal gai
 

dil se to her muamla kar ke chale thai saaf hum
kehney maiN onkey samney baat badal badal gai
 

aaKhir-e-shab ke humsafar "faiz" najaney kya hoey
reh gai kis jaga saba, subha kidhar nikal gai...!!

Faiz ahmad faiz

**:♥♥muje tum yad ate ho♥♥:**