Baad Muddat Tujhe Mehsoos Main Kar Paaon Gi,
Wo Tere Lams Ki Khushboo, Wo Tera Apnapan,
Wo Teri Aahaten Sun Kar Youn Siharna Mera,
Wo Teri Deed Ki Khuwahish Wo Mera Pagal-Pan,
Teri Aamad Se Pehle Khud Hi Sawarna Mera,
Teri Chahat Ki Kashish Jis Ki Main Deewani Hoon,
Teri Sarghoshiyaan Pa kar Wo Bikharna Mera,
Main Aaj Khush Hoon K Ye Intezaar Khatam Huwa !
Itni Kar Mujh Se Mohabbat Ki Mukammal Kar De,
Na Kabhi Hosh Mein Aaon Mujhe Pagal Kar De,
Tu Mujh Se Door Na Jaaye Ga Ye Waada Kar Le,
Zindagi Saath Bitaye Ga Iraada kar Le,
Teri Baaho Mein Apni Zindagi Bita Doon Gi,
Tu Itna Piyaar Kare Ga To Sab Bhul Doon Gi..!!
No comments:
Post a Comment