Wohi Hisaab-e-Tamanna Hai, Ab Bhi Aa Jao ...!!

Wohi Hai Sar Wohi Sauda Hai, Ab Bhi Aa Jao ..!!

Jisay Gaye Huway Khud Se Ab Ik Zamana Hua
Wo Ab B Tum Main Bhatakta Hai Ab Bhi Aa Jao
Wo Dil Se Haar Gaya Hai Par Apni Daanish Mein
Wo Shakhs Ab Bhi Yagaana Hai , Ab Bhi Aa Jao
Main Khud Nahi Hoon Koi Aur Hai Mere Andar
Jo Tum Ko Ab Bhi Tarasta Hai, Ab Bhi Aa Jao
Main Yan Se Janay Hi Wala Hon Ab Magar Ab Tak
Wohi Hai Ghar ....... Wohi Hujra Hai, Ab Bhi Aa Jao
Tumhe Tha Naaz Bohat Jis Ki Naam Daari Par ..!
Wo Saray Shehar Me Ruswa Hai, Ab Bhi Aa Jao,
Yahan Se Sath Hi Khuwabon K Shehar Jayen Gay,
Wohi Junoon ... Wohi Sehra Hai ..... Ab Bhi Aa Jao,
Kisi Se Koi Bhi Shikwa Nahi Magar Tum Say
Abhi Talak Mujhe Shikwa Hai, Ab Bhi Aa Jao,
Wo Dil K Ab Hai Lahoo Thookna Hunar Jis Ka,
Wo Kam Se Kam Abhi Zinda Hai, Ab Bhi Aa Jao
Na Janay Kya Hai K Ab Tak Mera Khud Apne Se
Wohi Jo Tha , Wohi Rishta Hai ..... Ab Bhi Aa Jao
Wujood Aik Tamasha Tha Hum Jo Dekhtay Thay,
Wo Ab Bhi Aik Tamasha Hai ........ Ab Bhi Aa Jao,
Hai Mere Dil Ki Guzaarish K Mujh Ko Mat Choro
Ye Meri Jaan Ka Taqaaza Hai, Ab Bhi Aa Jao,
Kabhi Jo Hum Nay Baray Maan Se Basaaya Tha
Wo Ghar Ujarnay Hi Waala Hai .... Ab Bhi Aa Jao..!!

 G'''muje tum yad ate hon'''Gul