نام لے لے کر نہ میرا شہر کی نظروں میں آ
مجھ سے ملناہے تو میرے دل کےصحراؤں میں آ
اس سفر میں دیکھ گھل جاتا ہے مٹی کا بدن
مجھ سے ملنےکی نہ خواہش کر نہ برساتوں میں آ
لوگ تجھ کو گنگنائیں میری خواہش کی طرح
اک اچھوتے شعر کی صورت مری غزلوں میں آ
بے ہنر لوگوں نے پھر مانگا مرے فن کا ثبوت
آ مری سچائی کی خوشبو مرے لفظوں میں آ
گھر کے دروازے پہ آ کر کیوں قدم رکھنے لگے
آ مری تنہائی ، میری منتظر بانہوں میں آ
GUL ·٠•●♥ (♥♥ مھجے تم یاد آتے ہو ♥♥)♥●
No comments:
Post a Comment